ზინაიდა გეგეშიძე

დაბადების ადგილი: სოფელი დიმი, ბაღდათის რაიონი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1931 წელს.

1931-1935წწ. პედაგოგად მუშაობდა საშუალო სკოლებში. 1935 წლიდან იყო საქართველოს კპ ცენტრალურ კომიტეტთან არსებული პარტიის ისტორიის ინსტიტუტში ჯერ უმცროსი, შემდეგ უფროსი მეცნიერ თანამშრომელი. იკვლევდა საქართველოს და ამიერკავკასიის კომუნისტური ორგანიზაციების და რევოლუციური მოძრაობის ისტორიას, არალეგალური ბოლშევიკური სტამბებისა და პროფესიონალ რევოლუციონერთა ცხოვრების საკითხებს. მას ეკუთვნის ნაშრომები "საქართველოს ბოლშევიკური ორგანიზაციების არალეგალური სტამბები 1900-1920" (1965), "მარქსიზმის გავრცელება საქართველოში" (1986, თანაავტორი), "გიორგი თელია" (1951), "ლადო კეცხოველი" (1956 და 1977), "მიხეილ ბოჭორიძე" (1957) და სხვ. ისტორიის მეცნიერებათა დოქტორი (1968).

წყარო: საქართველო: ენციკლოპედია: ტ.I.–თბ., 1997. გვ.571

• 1983 - საქართველოს მეცნიერებათა დამსახურებული მოღვაწე

• მარქსიზმ-ლენინიზმის გავრცელება საქართველოში (1892-1904) (თანაავტორი). - თბილისი, საბჭ.საქართველო, 1986. - 458გვ.
• ლადო კეცხოველი : ბიოგრ. ნარკვევი (ავტორი). - თბილისი, საბჭ.საქართველო, 1977. - 99გვ.
• საქართველოს ბოლშევიკური ორგანიზაციების არალეგალური სტამბები, 1900-1920 (ავტორი). - თბილისი, საბჭ.საქართველო, 1965. - 282გვ.