ირაკლი გედევანიშვილი

დაბადების ადგილი: ქ. მოგილიოვი, ბელარუსი.

დაამთავრა თბილისის სახელმწიფო სამედიცინო ინსტიტუტი 1941 წელს.

II მსოფლიო ომის დროს სამედიცინო-სანიტარული რაზმის განყოფილების, შემდეგ კი ტყვეთა ბანაკის სანიტარული ნაწილის უფროსი იყო. 1946-1953 წწ. მუშაობდა ი. ბერიტაშვილის სახელობის ფიზიოლოგიის ინსტიტუტში, 1953-1961 წწ. თბილისის სულხან საბა ორბელიანის სახელობის პედაგოგიური ინსტიტუტის ზოოლოგიის კათედრაზე, 1961-1987 წწ. იყო ამ კათედრის გამგე, ხოლო 1987 წლიდან კათედრის პროფესორი. იგი სწავლობდა ნერვული ტროფიკისა და პერიფერიული სისხლის მიმოქცევის ნეიროჰუმორალური რეგულაციის საკითხებს. მიღებული აქვს სახელმწიფო და საბრძოლო ჯილდოები. ვ. ვორონინის მოწაფე. მედიცინის მეცნიერებათა დოქტორი (1965), პროფესორი (1987). პათოფიზიოლოგი.

წყარო: საქართველო: ენციკლოპედია: ტ.I.–თბ., 1997. გვ.575

• 1987 - საქართველოს უმაღლესი სკოლის დამსახურებული მუშაკი