ელისაბედ თვალთვაძე

დაბადების ადგილი: ქ. ქუთაისი.

დაამთავრა სენაკის მესამე შრომის სკოლა 1927 წელს.

1923-1937წწ. მონაწილეობას იღებდა სენაკის კლუბთან არსებული დრამატული წრის წარმოდგენებში; სხვადასხვა წლებში მსახიობად მუშაობდა სენაკის (1937-1939), ფოთის (1939-1942), ქუთაისის (1942-1953) თეატრებში; 1953 წლიდან გარდაცვალებამდე ფოთის თეატრში მოღვაწეობდა. მის მიერ შესრულებული როლებიდან აღსანიშნავია: გვირისტინე (პ. კაკაბაძის "კოლმეურნის ქორწინება"), ქრისტინე, ფაცია (შ. დადიანის "ნინოშვილის გურია" და "გუშინდელნი"), გაიანე (ა. სუმბათაშვილის "ღალატი"), ძიძია (ალ. ყაზბეგის "ხევისბერი გოჩა"), ციცინო (ვ. დარასელის "გამახარე"), შელიავინა (ა. ოსტროვსკის "უდანაშაულო დამნაშავენი"), ლიუსელი (მოლიერის "გააზნაურებული მდაბიო"), ივდითი (კ. გუცკოვის "ურიელ აკოსტა"), ბეატრიჩე (კ. გოლდონის "ორი ბატონის მსახური") და სხვა.

წყარო: საიუბილეო თარიღები: თეატრი, მუსიკა, კინო.- თბ., 1991. -გვ.52