ამირან გუგუშვილი

დაბადების ადგილი: სოფელი ეწერი, აბაშის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1949 წელს.

1949-1953წწ. მუშაობდა სამშენებლო ტრესტ "აშხაბადმშენის" (თურქმენეთი) სამუშაოთა მწარმოებლად; 1953-1955წწ. ტრესტ "აშხაბადმშენის" კრასნოდარის N5 სამშენებლო სამმართველოში; 1955-1957წწ. მუშაობდა სამშენებლო ტრესტ "მარისმშენში"; 1957-1968წწ. საქართველოში დაბრუნების შემდეგ მუშაობდა საქართველოს მშენებლობის სამინისტროს N5 სამშენებლო ტრესტის ბათუმის N1 სამშენებლო სამმართველოში მთავარ ინჟინრად; 1962-1973წწ. იყო გაერთიანება "საქტექნიკმონტაჟის"  ბათუმის სამმართველოს უფროსი; 1969 წელს მივლინებული იყო ეგვიპტის რესპუბლიკაში, ასუანის ჰესის მშენებლობაზე; 1973-1997წწ. ხელმძღვანელობდა საქართველოს სასოფლო მშენებლობის სამინისტროს N2 სამშენებლო ტრესტის N15 და N45 მოძრავ-მექანიზებულ კოლონებს; 1998 წლიდან სათავეში ედგა შპს "გაზმომარაგებას"; პროფესიული საქმიანობის სხვადასხვა ეტაპზე აქტიურად მონაწილეობდა ადმინისტრაციული და საცხოვრებელი შენობა-ნაგებობების (თურქმენეთში), ასუანის ჰიდროელექტროსადგურის (ეგვიპტე), ასევე, აჭარისა და ოზურგეთის რაიონის ჩაის ფაბრიკებს, საცხოვრებელი სახლების, სკოლების, ადმინისტრაციული შენობების მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.170-171

• საპატიო ნიშნის ორდენი
• აჭარის ავტონომიური რესპუბლიკის დამსახურებელი ინჟინერი