სერგო ლომიძე

დაბადების ადგილი: ხაშურის რაიონი.

1944-1949წწ. მუშაობდა ზესტაფონის სახელმწიფო თეატრში. 1949 წლიდან ოზურგეთის ა. წუწუნავას სახელობის თეატრის მსახიობი იყო. მის მიერ შესრულებული როლებიდან აღსანიშნავია: ღვთისო (ვაჟა-ფშაველას "მოკვეთილი"), ონისე (ა. ყაზბეგის "მოძღვარი"), გაბრო (ი. ჭავჭავაძის "გლახის ნაამბობი"), როდამიშვილი (დ. კლდიაშვილის "ირინეს ბედნიერება"), ჩოლოყაშვილი (აკ. წერეთლის "ბაში-აჩუკი"), ყვარყვარე (პ. კაკაბაძის "ყვარყვარე თუთაბერი"), ბობჩინსკი (ნ. გოგოლის "რევიზორი"), გიქო (გ. სუნდუკიანის "პეპო"), არქიფო (ი. ვაკელის "აპრაკუნე ჭიმჭიმელი"), ბეჟანა (ნ. დუმბაძისა და გ. ლორთქიფანიძის "მე ვხედავ მზეს") და სხვა. 

წყარო: ხელოვნების კალენდარი: თეატრი, მუსიკა, კინო.- თბ., 1996.-გვ.42

• 1968 - საქართველოს დამსახურებული არტისტი