ლევან იზორია

დაამთავრა ივანე ჯავახიშვილის სახელობის სახელმწიფო უნივერსიტეტის იურიდული ფაკულტეტი 1996 წელს; გერმანიის ქალაქ გოტინგენის გეორგ-აუგუსტის სახელობის უნივერსიტეტის იურიდიული ფაკულტეტის მაგისტრატურა 1999 წელს; გერმანიის ქალაქ გოტინგენის გეორგ-აუგუსტის სახელობის უნივერსიტეტის იურიდიული ფაკულტეტის დოქტორანტურა 2002 წელს.

1995-1998წწ. თბილისის სახელმწიფო უნივერსიტეტის იურიდიული ფაკულტეტის სამართლის თეორიისა და კონსტიტუციური სამართლის კათედრის მასწავლებელი; 1999-2002წწ. გერმანიის ქალაქ გოტინგენის სახელმწიფოს მოძღვრებისა და პოლიტიკურ მეცნიერებათა ინსტიტუტის დირექტორის თანაშემწე; 2002-2005წწ. თბილისის სახელმწიფო უნივერსიტეტის იურიდიული ფაკულტეტის სამართლის თეორიისა და კონსტიტუციური სამართლის კათედრის დოცენტი; 2002 წლიდან - საქართველოს მეცნიერების აკადემიასთან არსებული თ. წერეთლის სახელობის სამართლის ინსტიტუტის უფროსი მეცნიერ-თანამშრომელი; 2002-2003წწ. სამართალდამცავი ორგანოების რეფორმების სახელმწიფო კომისიის კოორდინატორი; 2003-2004წწ. გერმანიის კონრად-ადენაუერის სახელობის პოლიტიკური ფონდის წარმომადგენელი სამხრეთ კავკასიაში; 2004-2006წწ. შსს აკადემიის რექტორი; 2006-2007წწ. საქართველოს საზოგადოებრივ მეცნიერებათა უნივერსიტეტის იურიდიული ფაკულტეტის დეკანი, პროფესორი; 2007-2009წწ. მეცნიერ-მკვლევარი, პროფესორი შპაიერის გერმანული საჯარო ადმინისტრაციის კვლევის ინსტიტუტში (ჰუმბოლტის ფონდის სტიპენდიატი); 2009-2010წწ. კავკასიის სამართლის სკოლის ასოცირებული პროფესორი; 2009-2011წწ. ქართულ-ამერიკული უნივერსიტეტის ასოცირებული პროფესორი; 2010-2011წწ. წლის ივლის-აგვისტოში მეცნიერული მივლინება ჰაიდელბერგის საზღვარგარეთის ქვეყნების საჯარო სამართლისა და საერთაშორისო სამართლის მაქს-პლანკის ინსტიტუტში; 2011-2014წწ. გრიგოლ რობაქიძის სახელობის უნივერსიტეტის სრული პროფესორი; 2014 წლიდან საქართველოს შსს-ს აკადემიის სრული პროფესორი; 2012-2015წწ. საქართველოს შს მინისტრის მოადგილე; 2015-2016წწ. საქართველოს სახელმწიფო უსაფრთხოების სამსახურის უფროსის მოადგილე; 2016-2019წწ. საქართველოს თავდაცვის მინისტრი; 2019-2020წწ. საქართველოს დაზვერვის სამსახურის უფორსი; 2019-2020წწ. ეროვნული უსაფრთხოების საბჭოს მდივანი. 2020 წლიდან საქართველოს საგანგებო და სრულუფლებიანი ელჩი გერმანიის ფედერაციულ რესპუბლიკაში. 1999 წლიდან სამართლის მაგისტრი (გერმანია, უმაღლესი შეფასებით); 2002 წლიდან მიენიჭა სამართლის დოქტორის ხარისხი (გერმანია, უმაღლესი შეფასებით). მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.82