ლაზარე ყაზაიშვილი

დაბადების ადგილი: სოფელი დვაბზუ, ოზურგეთის რაიონი.

სწავლობდა თბილისის სახელმწიფო უნივერსიტეტის სამედიცინო ფაკულტეტზე(1921-1924). დაამთავრა აკაკი ხორავას სახელობის დრამატული სტუდია. 

1925-1926 წლებში მუშაობდა რუსთაველის თეატრში; 1931-1938 წლებში ეწეოდა პედაგოგიურ მოღვაწეობას რუსთაველის თეატრთან არსებულ სტუდიაში. განსახიერებული აქვს ასამდე მთავარი და ეპიზოდური როლი. მათგან აღსანიშნავია: მეომარი, სლეპცოვი, პეტროვი(ს. შანშიაშვილის "ლატავრა", "არსენა", "ანზორი"), ფრანგი(ნ. აზიანის "დეზერტირკა"), აქტიორი, როდრიგო, (უ. შექსპირის "ჰამლეტი", "ოტელო"), ნირანი (ა. გლებოვის "ზაგმუკი"), ნიკალაი (ა. იალცევის "ღვარძლი"), ფილატოვი (ვ. კირშინის "ქართა ქალაქი"), შვარცი (ფ. შილერის "ყაჩაღი"), ბერიკა, ადიკო (შ. დადიანი "თეთნულდი" და "გუშინდელნი"), ბუხუტი (ვ. შვარკინი  "ნაბიჭვარი"), სტიოპკა, განჟა (ა. კორნეიჩუკის "პლატონ კრეჩეტი" და "ბოგდენ ხმელნიცკი"), ვალოდია (ნ. პოგოდინის "თოფიანი კაცი"), სილიბისტრო (ნ. შიუკაშვილის "სულელი"), ფრიგელა (კ. გოლდონის "ორი ბატონის მსახური") და სხვ. ლ. ყაზაიშვილი გადაღებულია ფილმებში: "პალიასტომის ტბა"(ალმასხინი, 1963), "ჭრიჭინა"(1954).

წყარო: ხელოვნების კალენდარი: თეატრი, მუსიკა, კინო.- თბ., 1993.- გვ.55