დავით გურგენიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს.

1963 წლიდან მუშაობდა ტრესტ "თბილგვირაბმშენის" სისტემაში: რკინაბეტონის ქარხნის ცვლის, პოლიგონის, საგვირაბო რაზმის ცვლისა და უბნის უფროსად, საწარმოო-ტექნიკური განყოფილებისა და საგვირაბო რაზმის უფროსის მოადგილედ; 1980-1998წწ. იყო საქართველოს მინისტრთა საბჭოსა და სახელმწიფო კანცელარიაში უფროსი რეფერენტი, განყოფილების გამგის მოადგილე, მთავარი სახელმწიფო მრჩეველი და განყოფილების გამგე; 1998-2009წწ. იყო "თბილმეტრომშენის" გენერალური დირექტორის პირველი მოადგილე; მისი უშუალუ მონაწილეობით აიგო და საექსპლუატაციოდ გადაეცა თბილისის მეტროპოლიტენის პირველი და მეორე რიგის ძირითადი ობიექტები, მათ შორისა: საბურთალოს ხაზის მონაკვეთი და სადგური "ვაჟა-ფშაველა" (2000), მეჯვრისხევის მეფრინველეობის ფაბრიკა და არაერთი სამრეწველო და სამოქალაქო დანიშნულების ობიექტი; დაჯილდოებულია სახელმწიფო ორდენითა და მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.175; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.212

• 2000 - ღირსების ორდენი