თეიმურაზ გუჯაბიძე

დაბადების ადგილი: ქ. ბათუმი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1946 წელს.

1946-1948წწ. მუშაობდა ქ. ქუთაისის საქალაქო საბჭოს აღმასკომის კომუნალური მეურნეობის კომუნალური მეურნეობის ინჟინრად, შემდგომ კი ტექნიკურ ზედამხედველად; 1948-1952წწ. იყო სახელმწიფო საპროექტო-კვლევითი ინსტიტუტ "ჩერნომორნპროექტის" ჰიდროტექნიკის ბიუროს ინჟინერი, ხოლო 1952-1955წწ. - პროექტის მთავარი ინჟინერი; 1955-1962წწ. მუშაობდა ბათუმის საზღვაო ნავსადგურის მთავარ ინჟინრად და კურირებდა მშენებლობას; 1962-1964წწ. იყო საპროექტო ინსტიტუტ "საქქალაქმშენსახპროექტის" ბათუმის ფილიალის პროექტის მთავარი ინჟინერი; 1964-1971წწ. საქართველოს მშენებლობის სამინისტროს N5 სამშენებლო ტრესტის საწარმოო-ტექნიკური განყოფილების უფროსი; 1971-1985წწ. იყო ამავე ტრესტის მთავარი ინჟინრის მოადგილე.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.177

• აჭარის ავტონომიური რესპუბლიკის დამსახურებული ინჟინერი