დავით ხიზანიშვილი

ქართული ზეპირსიტყვიერების შემკრები. უპირატესად ფშაურ ლექსებს კრებდა. მის მიერ მოპოვებული მასალა ხშირად იბეჭდებოდა გაზეთ "ივერიაში", ხოლო 1887 წელს ცალკე წიგნადაც გამოვიდა სათაურით "ფშაური ლექსები". ამ კრებულისადმი მიძღვნილ რეცენზიაში ვაჟა-ფშაველამ მაღალი შეფასება მისცა მის ფოლკლორულ მოღვაწეობას. 1888 წელს მან "ივერიაში" კვლავ გამოაქვეყნა ფშაური ლექსები, "ეთერიანისა" და ხალხური ვეფხისტყაოსნის საყურადღებო ვარიანტები.

წყარო: ქართული საბჭოთა ენციკლოპედია: ტ. 11.-თბ., 1987.-გვ.481