ქემალ დადალ-იფა

დაბადების ადგილი: ქ. ოჩამჩირე.

დაამთავრა ხარკოვის სამშენებლო-საინჟინრო ინსტიტუტი 1957 წელს.

მუშაობა დაიწყო "მთავარხარკოვმშენის" N3 სამშენებლო სამმართველოში ტექნიკური განყოფილების ინჟინრად; შემდეგ იყო განყოფილების გამგის მოადგილე, განყოფილების უფროსი, 1962 წელს ამავე სამმართველოში დაინიშნა მთავარ ინჟინრად; 1963 წელს საცხოვრებლად გადმოვიდა ქ. სოხუმში და ათი წლის განმავლობაში, საქართველოს მშენებლობის სამინისტროს N6 სამშენებლო ტრესტის სოხუმის სამშენებლო სამმართველოს ხელმძღვანელობდა; 1973 წელს დაინიშნა საქართველოს მშენებლობის სამინისტროს N6 სამშენებლო ტრესტის მმართველად, სადაც სრულად გამოავლინა პროფესიონალიზმი და ორგანიზატორული უნარი; მისი ხელმძღვანელობით აშენდა ისეთი გამორჩეული ობიექტები როგორებიცაა: აფხაზეთის ავტონომიური რესპუბლიკის მთავრობის ადმინისტრაციული შენობა, რკინაბეტონის ნაკეთობათა კომბინატი, რესპუბლიკური მნიშვნელობის ავტოსატრანსპორტო გაერთიანების სპეციალიზებული საწარმო, არაერთი სანატორიუმი და დასასვენებელი სახლი, საცხოვრებელი სახლების მასივი ქ. სოხუმის ახალ კვარტალში, კინოთეატრები და საზოგადოებრივი დანიშნულების სხვა ობიექტები, ნაპირსამაგრი ნაგებობები შავი ზღვის სანაპიროზე.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.180

• აფხაზეთის ავტონომიური რესპუბლიკის უმაღლესი საბჭოს პრეზიდიუმის საპატიო სიგელი
• აფხაზეთის ავტონომიური რესპუბლიკის დამსახურებული ინჟინერი