ალექსანდრე დათიაშვილი

დაბადების ადგილი: სოფელი ღანირქვიტირი, ხონის რაიონი.

დაამთავრა საქართველოს პოლიტექნიკური ინსტიტუტის ჰიდრავლიკისა და სანტექნიკის ფაკულტეტი ინჟინერ ჰიდროტექნიკოსის კვალიფიკაციით 1973 წელს.

1973-1974წწ. მუშაობდა საქართველოს პოლიტექნიკური ინსტიტუტის ჰიდრავლიკისა და ჰიდროტექნიკურ ნაგებობათა კათედრის მეცნიერ-მუშაკად; 1976 წლიდან მუშაობდა საქართველოს მშენებლობის სამინისტროს N4 სამშენებლო ტრესტის სისტემაში; იყო განყოფილების უფროსი, რკინაბეტონის ქარხნის მთავარი ინჟინერი, ტრესტის მთავარი ინჟინრის მოადგილე და ტრესტის მთავარი ინჟინერი; 1991-1992წწ. აქტიურად მონაწილეობდა მიწისძვრით დაზარალებული საცხოვრებელი სახლების აღდგენაში ონის რაიონის ტერიტორიაზე; იყო ონის სამშენებლო კომპლექსის მთავარი ინჟინერი; 1994 წლიდან შპს "ბემ"-ის მთავარი ინჟინერია, რომელიც 1993-1998წწ. მნიშვნელოვან სამოქალაქო ობიექტებს აშენებდა ქ. მოსკოვის ტერიტორიაზე; საქართველოს მშენებლობის სამინისტროს N4 სამშენებლო ტრესტში მუშაობის პერიოდში მონაწილეობდა ტრესტის მიერ განხორციელებული მსხვილი საწარმოებისა და საზოგადოებრივი დანიშნულების მნიშვნელოვანი ობიექტების მშენებლობაში; შრომითი დამსახურებისთვის მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.183-184