კლიმენტი დათიაშვილი

დაბადების ადგილი: სოფელი ღანირქვიტირი, ხონის რაიონი.

დაამთავრა ამიერკავკასიის რკინიგზის სამშენებლო სასწავლებელი 1933 წელს; საქართველოს ინდუსტრიული ინსტიტუტი მშენებელი ინჟინრის კვალიფიკაციით 1940 წელს.

1941-1942წწ. მუშაობდა ყაბარდო-ბალყარეთში ბაქსანის ენერგოკომბინატის ტექნიკური განყოფილების უფროს ინჟინრად; 1942 წელს გაიწვიეს მოქმედ არმიაში; მეორე მსოფლიო ომის დასრულებას იგი შეხვდა გერმანიაში საქსონიის მიწაზე; 1946 წელს, დემობილიზაციის შემდეგ, ჩამოვიდა ქ. ქუთაისში და მუშაობა დაიწყო სამშენებლო ტრესტ "ქუთაისავტომშენის" (შემდგომში საქართველოს მშენებლობის სამინისტროს N4 სამშენებლო ტრესტი) N1 სამშენებლო სამმართველოში სამუშაოთა მწარმოებლად; 1959-1973წწ. იყო ამავე სამმართველოს უფროსი; 1974-1984წწ. მუშაობდა ქუთაისის სახლმშენებელი კომბინატის მთავარ ტექნოლოგად, ხარისხის განყოფილების უფროსად; მისი უშუალო მონაწილეობით აშენდა ქუთაისის საავტომობილო ქარხნის კომპლექსი, საბინაო და კულტურული საყოფაცხოვრებო დანიშნულების ობიექტები; საბრძოლო და შრომითი დამსახურებისთვის დაჯილდოებული იყო სახელმწიფო ჯილდოებითა და საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.184

• 1966 - საქართველოს დამსახურებული ინჟინერი