ალექსანდრე ხმალაძე

დაბადების ადგილი: ქ. ქუთაისი.

დაამთავრა პეტერბურგის სამხედრო სამედიცინო აკადემია 1914 წელს.

I მსოფლიო ომის დროს სამხედრო ექიმად მუშაობდა დასავლეთ ფრონტზე. 1938-1970 წწ. განაგებდა ექიმთა დახელოვნების თბილისის ინსტიტუტის ჰიგიენის კათედრას, ერთდროულად, 1940-1947 წწ. იყო თბილისის სახელმწიფო სამედიცინო ინსტიტუტის სოციალური ჰიგიენის კათედრის გამგე. 1938-1952 და 1958-1960 წლებსი მუშაობდა საქართველოს სსრ ჯანდაცვის სამინისტროს ჰიგიენისა და სანიტარიის სამეცნიერო კვლევითი ინსტიტუტის დირექტორის მოადგილედ სამეცნიერო დარგში და სხვა. შეისწავლიდა ჩაის ფაბრიკებისა და ჭიათურის მაღაროების ჰიგიენური პირობების გაუმჯობესების, სოფლის მოსახლეობის წყალმომარაგების საკითხებს და სხვა. ჰიგიენისტი, მედიცინის მეცნიერებათა დოქტორი (1940), პროფესორი (1940). დაჯილდოებულია მედლებით.

წყარო: ქართული საბჭოთა ენციკლოპედია: ტ. 11.-თბ., 1987.-გვ.488

• სკკპ , წევრი (1944-)

• 1941 - საქართველოს მეცნიერებათა დამსახურებული მოღვაწე
• ლენინის ორდენი

• ღვაწლმოსილი ექიმი ლევან წერეთელი : ცხოვრება და მოღვაწეობა (ავტორი). - თბილისი, საბჭ. საქართველო, 1966. - 41გვ.
• კომუნალური ჰიგიენა : სახელმძღვ. სამედ. ინ-ტის სტუდენტებისათვის (ავტორი). - თბილისი, განათლება, 1966. - 274გვ.
• კოლმეურნის კარმიდამოს და ბინის ჰიგიენა (ავტორი). - თბილისი, საქმედგამი, 1955. - 20გვ.