
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

გრიგოლ ხმალაძე

Date of birth:	24 April, 1904
Date of death:	11 May, 1986 (at 82 years)
Category:	Geographer, Scientist, Educator

Biography

დაბადების ადგილი: სოფელი უფლისციხე, კასპის რაიონი.

1923 წელს ჩაირიცხა თბილისის პოლიტექნიკურ ინსტიტუტში მექანიკის ფაკულტეტზე, მაგრამ მესამე კურსიდან ვეღარ გააგრძელა სწავლა უსახსრობის გამო; 1944 წელს დაამთავრა თბილისის სახელმწიფო უნივერსიტეტის დაუსწრებელი სექტორი.

1925 წელს მუშაობა დაიწყო თბილისის საზოგადოებრივ სამმართველოში მუშად; 1927 წელს გადავიდა ამიერკავკასიის წყალთა მეურნეობის სამმართველოში; 1929 წელს გადაიყვანეს საცდელ-საკვლევ წყალთა მეურნეობის ინსტიტუტში უფროს ტექნიკოსად; 1930 წლიდან მუშაობდა ამიერკავკასიის ჰიდრომეტეოროლოგიურ კომიტეტში მეორე თანრიგის მეცნიერ-თანამშრომლად; 1941 წელს ამიერკავკასიის ფრონტის შტაბის მიერ მივლინებულ იქნა ირანში სპეცსამუშაოების შესასრულებლად. დაბრუნების შემდეგ მუშაობა განაგრძო საქართველოს ჰიდრომეტეოროლოგიურ სამსახურში; სხვადასხვა წლებში მუშაობდა საქართველოს ჰიდროტექნიკისა და მელიორაციის სამეცნიერო-კვლევით ინსტიტუტში; 1949-1959წწ. კითხულობდა ლექციებს თბილისის სახელმწიფო უნივერსიტეტში გეოგრაფია-გეოლოგიის ფაკულტეტზე. მის მიერ შესრულებულია 200-ზე მეტი სამეცნიერო ნაშრომი. აღსანიშნავია "მდ. ივრის ჰიდრომეტრია და ჰიდროლოგია", რომელიც საფუძვლად დაედო სამგორის წყალსაცავის ტექნიკურ დაპროექტებას. შესრულებული აქვს ჰიდროლოგიური გაანგარიშებანი საქართველოს პატარა მდინარეებისათვის. მრავალი შრომა მიუძღვნა საქართველოსა და სომხეთის ღვარცოფების ბუნების შესწავლას, მათ დარაიონებას და კლასიფიკაციას. დიდი წვლილი შეიტანა ამიერკავკასიის მდინარეთა წყლის რესურსებისა და ბალანსის შესწავლის საქმეში. განსაკუთრებული ყურადღება დაუთმო მდინარეთა მყარი ჩამონადენის ფორმირების და მათი მოძრაობის შესწავლას. შრომათა დიდი ნაწილი ეხება ამიერკავკასიის, კავკასიის შავი ზღვის სანაპირო მდინარეების, ყირიმის სამხრეთ სანაპიროს მდინარეების შესწავლას. ჰიდროლოგი, გეოგრაფიის მეცნიერებათა დოქტორი (1967), პროფესორი (1969). მიღებული აქვს სახელმწიფო ჯილდოები.

საკანდიდატო დისერტაციის თემა - "საქართველოს მდინარეთა საშუალო ჩამონადენი და წლიური ჩამონადენის რყევადობა", დაიცვა 1951 წელს; სადოქტორო დისერტაციის თემა - "სომხეთის სსრ მდინარეთა ატივნარებული მასალა", დაიცვა 1966 წელს.

წყარო: ქართული საბჭოთა ენციკლოპედია: ტ. 11.-თბ., 1987.-გვ.488; ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.310-311

Awards and Honors

1982 - ვახუშტი ბაგრატიონის სახელობის პრემია
1967 - საქართველოს მეცნიერებათა დამსახურებული მოღვაწე

Bibliography

Выносы наносов реками Черноморского побережья Кавказа (Author). - Ленинград , Гидрометеоиздат, 1978. - 168с.
Взвешенные наносы рек Армянской ССР (Author). - Ленинград; Тбилиси, ГИМИЗ, 1964. - 246с.