თეიმურაზ დალაქიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1976 წელს.

1969-1970წწ. მუშაობდა საპროექტო ინსტიტუტ "საქგიპრომეზში"; 1971-1980წწ. სამშენებლო-სამონტაჟო ტრესტ "ცენტრმეტალურგრემონტის" რუსთავის სამშენებლო სამმართველოში; გაიარა ყველა პროფესიული თანამდებობრივი საფეხური ოსტატიდან სამმართველოს უფროსამდე; 1981 წელს და 1990-1992 წლებში იყო საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენის" მმართველის მოადგილე; 1981-1987წწ. მუშაობდა საქართველოს კპ რუსთავის საქალაქო კომიტეტისა და საქართველოს კპ ცენტრალური კომიტეტის მშენებლობისა და საქალაქო მეურნეობის განყოფილებების პასუხისმგებელ მუშაკად; 1987-1990წწ. იყო რუსთავის საქალაქო საბჭოს აღმასრულებელი კომიტეტის თავმჯდომარე; 1992-1995წწ. საქართველო-ავსტრიის ერთობლივი საწარმო "IBERIA CONSTRACSEN AND SERVICE COMPANY"-ის გენერალური დირექტორის მოადგილე; 1995-2003წწ. იყო ქ. რუსთავის პრემიერი, მერის მოადგილე ეკონომიკისა და ეკონომიკური რეფორმების დარგში; 2003-2005წწ. საქართველოს სახელმწიფო საწარმოთა მართვის სააგენტოს აპარატის უფროსი; 2004-2007წწ. საქართველოს გაერთიანებული სადისტრიბუციო ენერგოკომპანიის სამეთვალყურეო საბჭოს თავმჯდომარის მოადგილე; რუსთავის საქალაქო საბჭოს არაერთი მოწვევის დეპუტატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.186; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.75

• რუსთავის საკრებულო, წევრი

• 2000 - ღირსების ორდენი
• ქალაქ უეტორფორდის საპატიო მოქალაქე (კონექტიკუტის შტატი, აშშ )
• რუსთავის საპატიო მოქალაქე