გურამ დანელია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკური მშენებლობის სპეციალობით 1959 წელს.

1959-1962წწ. მუშაობდა თბილისის ენერგეტიკისა და ჰიდროტექნიკურ ნაგებობათა სამეცნიერო-კვლევით ინსტიტუტში უმცროს მეცნიერ-მუშაკად; 1962-1965წწ. ამავე ინსტიტუტის ასპირანტურაში სწავლობდა; 1962 წლიდან სწავლის პარალელურად მუშაობდა საქართველოს პოლიტექნიკური ინსტიტუტის ჰიდრავლიკის და ჰიდრონაგებობების კათედრაზე მეცნიერ-მუშაკად; 1965-1971წწ. მუშაობდა საქართველოს ჰიდროტექნიკის და მელიორაციის სამეცნიერო-კვლევითი ინსტიტუტის საირიგაციო და ქსელური ნაგებობების სექტორში, ხოლო 1969-1993წწ. - საქართველოს პოლიტექნიკური ინსტიტუტის ჰიდრავლიკის და ჰიდრომანქანების კათედრის დოცენტად, 1993 წლიდან - ამავე კათედრის გამგედ; 1994-1997წწ. იყო ჰიდროტექნიკის ფაკულტეტის დეკანი და სამეცნიერო საბჭოს თავმჯდომარე, პარალელურად მონაწილეობდა ნატურალურ კვლევებში; არის 95-მდე სამეცნიერო ნაშრომის ავტორი. ტექნიკურ მეცნიერებათა კანდიდატი (1965).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.187-188

• საქართველოს ენერგეტიკის ეროვნული აკადემია, წევრი (1994-)