დემურ დანელია

დაბადების ადგილი: ქ. წულუკიძე (ამჟამად ხონი).

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკოსის სპეციალობით 1959 წელს, მოგვიანებით - იმავე უმაღლესი სასწავლებლის ასპირანტურა.

მუშაობდა სამშენებლო ტრესტ "საქჰიდროენერგომშენის" სისტემაში დამპროექტებლად, მშენებელ ინჟინრად; წლების განმავლობაში მოღვაწეობდა საქართველოს პოლიტექნიკური ინსტიტუტის (ამჟამად სტუ) მასალათა გამძლეობისა და დრეკადობის თეორიის კათედრაზე - ასისტენტად, დოცენტად, პროფესორად; 1990-2010წწ. ხელმძღვანელობდა მასალათა გამძლეობისა და დრეკადობის თეორიის კათედრას; საქართველოს ტექნიკური უნივერსიტეტის სამშენებლო ფაკულტეტის საინჟინრო მექანიკის დეპარტამენტის სრული პროფესორი; არის 100-ზე მეტი სამეცნიერო ნაშრომის, მათ შორის: 5 მონოგრაფიის, 25 სახელმძღვანელოსა და დამხმარე სახელმძღვანელოს ავტორი; სხვადასხვა დროს მივლინრბული იყო საზღვარგარეთ, ავღანეთსა და კამბოჯის რესპუბლიკაში, სადაც კითხულობდა ლექციების კურსს; წლების განმავლობაში ეწეოდა პედაგოგიურ მოღვაწეობას საქართველოს პოლიტექნიკური ინსტიტუტის თელავის, რუსთავის, გორის, ზესტაფონის, ბათუმის, ფოთისა და ზუგდიდის ფილიალებში. ტექნიკის მეცნიერებათა დოქტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.188

• საქართველოს საინჟინრო აკადემია, ნამდვილი წევრი

• მასალათა გამძლეობის საფუძვლები : სახელმძღვ. სტუ-ს სამშენებლო ფაკ. სტუდ. (თანაავტორი). - თბილისი, ტექნიკური უნ-ტი, 2009. - 87გვ.
• დრეკადობის, პლასტიკურობის და ცოცვადობის თეორიების საფუძვლები : სახელმძღვ. სტუდ. (თანაავტორი). - თბილისი, ტექნ. უნ-ტი, 2005. - 191გვ.
• მასალათა გამძლეობა : ლექციების კურსი ტექნ. უმაღლ. სასწავლ. სტუდ. (თანაავტორი). - თბილისი, ტექნიკური უნ-ტის გამ-ბა, 2004. - 118გვ.
• მთაგორიან გზებზე სტიქიურ მოვლენებთან ბრძოლის მეთოდები და ღონისძიებები (თანაავტორი). - თბილისი, ტექნიკური უნ-ტის გამ-ბა, 2002. - 56გვ.
• მასალათა გამძლეობა : დამხმ. სახელმძღვ. (თანაავტორი). - თბილისი, ტექნ. უნ-ტი, 1996. - 197გვ.