თამაზ დანელია

დაბადების ადგილი: ქ. ფოთი.

დაამთავრა თბილისის ინჟინერთა ინსტიტუტის სამშენებლო ფაკულტეტი 1948 წელს.

1948-1950წწ. მუშაობდა ჩრდილო კავკასიის რკინიგზაზე, ქ. არმავირის მერვე დისტანციაში, სალიანდაგო გზის მშენებლობაზე ინჟინრად, უბნის უფროსად; 1950-1957წწ. მსახურობდა რკინიგზის ჯარში ჩიტის ოლქში, ტექნიკური ნაწილის უფროსად, ბურიატ-მონღოლეთში - ხიდების ლეგიონში, ბეტონის ლაბორატორიის უფროსად; 1957 წლიდან თბილისში გადმოვიდა და მუშაობა დაიწყო საქართველოს მშენებლობის სამინისტროს სამშენებლო გაერთიანება "მთავართბილმშენში" ჯერ უფროს ინჟინრად; 1959-1973წწ. N1 სამშენებლო სამმართველოს მთავარი ინჟინრის თანამდებობაზე; 1973-1976წწ. მუშაობდა N15 სამშენებლო ტრესტში განყოფილების უფროსად; 1976-1977წწ. საქართველოს საბინაო და კომუნალური მეურნეობის სამინისტროს სარემონტო-სამშენებლო ტრესტში მუშაობს მთავარი ინჟინრის მოადგილედ; 1977-1986წწ. მუშაობდა საპროექტო ინსტიტუტ "საქქალაქმშენსახპროექტის" N1 არქიტექტურული სახელოსნოს უფროსის მოადგილედ, კომპლექსური არქიტექტურული სახელოსნოს მთავარ ინჟინრად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.188-189

• 1967 - საქართველოს სსრ უმაღლესი საბჭოს პრეზიდიუმი, საპატიო სიგელი