შალვა ხომერიკი

დაბადების ადგილი: ქ. ოზურგეთი. 

დაამთავრა საკავშირო კინემატოგრაფიის სახელმწიფო ინსტიტუტის სარეჟისორო ფაკულტეტი 1935 წელს.

1924 წლიდან მუშაობდა კინოში. დიდი სამამულო ომის (1941-1945) პერიოდში ხელმძღვანელობდა საფრონტო კინოგადამღებ ჯგუფს. გადაიღო 100-ზე მეტი დოკუმენტური, სამეცნიერო-პოპულარული ფილმი და მრავალი სიუჟეტი., მათ შორის "ამიერკავკასიის ხალხთა ოლიმპიადა" (1933), "შავი ზღვის საგუშაგოებზე"(1943), "სევასტოპოლის გმირი არკადი გეგეშიძე" (1943), "ლელო" (1948), "ქართული არქიტექტურა" (1960), "თბილისის მეტრო" (1965), "სიუხვის საწინდარი" (1976) და სხვა. კინორეჟისორი, ქართული დოკუმენტური კინოს ერთ-ერთი ფუძემდებელი.

წყარო: ქართული საბჭოთა ენციკლოპედია: ტ. 11.-თბ., 1987.-გვ.496

• სკკპ , წევრი (1939-)

• 1961 - საქართველოს ხელოვნების დამსახურებული მოღვაწე