თემურ დანელია

დაბადების ადგილი: ქ. ოჩამჩირე.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1973 წელს.

1973-1982წწ. მუშაობდა საქართველოს სასოფლო მშენებლობის სამინისტროს ოჩამჩირის N7 სამშენებლო ტრესტში სამუშაოთა მწარმოებლად, უბნის უფროსად, სამშენებლო სამმართველოს მთავარ ინჟინრად; 1982-1989წწ. იყო გაერთიანება "საქაგრომრეწვის" აფხაზეთის სამშენებლო სამმართველოს უფროსი; 1989-1991წწ. კვლავ მუშაობდა საქართველოს სასოფლო მშენებლობის სამინისტროს ოჩამჩირის N7 სამშენებლო ტრესტის მმართველის მოადგილედ, მთავარ ინჟინრად, ხოლო 1992 წლიდან ტრესტის მმართველად; მისი უშუალო ხელმძღვანელობით აშენდა და საექსპლუატაციოდ გადაეცა სასოფლო-სამეურნეო, გადამამუშავებელი მრეწველობის, სამოქალაქო და კომუნალური დანიშნულების მრავალი ობიექტი, მათ შორის: გულრიფშისა და ოჩამჩირის ჩაის ფაბრიკები, გალის ეთერზეთების ქარხანა, ადმინისტრაციული შენობა ოჩამჩირეში, მეცხოველეობის მსხვილი კომპლექსი გალში და სხვა; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.189