ნიკოლოზ დანელია

დაბადების ადგილი: ქ. ქუთაისი.

დაამთავრა ქუთაისის წმინდა ნინოს გიმნაზია, ხოლო შემდეგ - მოსკოვის ტრანსპორტის ინჟინერთა ინსტიტუტი.

ინსტიტუტის დამთავრების შემდეგ მუშაობდა  სახალინის რკინიგზის, შემდგომ კი მოსკოვის მეტროპოლიტენის სადგურ "ჩისტიე პრუდის" (ამჟამად "კიროვსკაია") მშენებლობაზე; იყო შახტის უფროსი, მეტროსადგურ "ბაუმანსკაიას" მშენებლობაზე, რომელიც ძალიან რთულ პირობებში მიმდინარეობდა; მეორე მსოფლიო ომის დროს მონაწილეობდა საბჭოთა კავშირის მთავრობის განსაკუთრებულად რთული დავალების შესრულებაში - საბჭოთა კავშირის შეიარაღებული ძალების მართვის მიწისქვეშა კვანძის კომპლექსის მშენებლობაში, რომელშიც საჭიროების შემთხვევაში უნდა განთავისებულიყო საბჭოთა კავშირის მთავრობა და უმაღლესი მთავარსარდლობის შტაბი; ომის შემდეგ კვლავ მოსკოვის მეტროპოლიტენის მშენებლობაზე მუშაობდა; იყო გაერთიანება "მოსმეტრომშენის" მთავარი ინჟინერი; დაჯილდოებულია დიდი სამამულო ომის ორდენითა და მრავალი საერთაშორისო ჯილდოთი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.189

• გენერალ-მაიორი
• ლენინის ორდენი (2 ორდენი)