დავით დარახველიძე

დაბადების ადგილი: სოფელი ბოსტანა, ამბროლაურის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1980 წელს; ივ. ჯავახიშვილის სახელობის თსუ-ს იურიდიული ფაკულტეტი 1996 წელს; ევროსაბჭოს ქ. თბილისის პოლიტიკური სწავლების სკოლა 2002 წელს.

1980-1993წწ. მუშაობდა საქართველოს სასოფლო მშენებლობის სამინისტროს N7 სამშენებლო ტრესტის სისტემაში: მშენებელ ოსტატად, საწარმოო-ტექნიკური განყოფილების უფროსად, მოძრავ მექანიზებული რაზმის უფროსად, საწარმოო-ტექნიკური კომპლექტაციის სამმართველოს უფროსად, სამრეწველო საწარმოთა კომბინატის დირექტორად ოჩამჩირის რაიონში, N33 მოძრავ-მექანიზებული კოლონის უფროსად გულრიფშის რაიონში; 1993-1995წწ. მუშაობდა მრავალდარგოვანი საწარმო "რიონის" დირექტორად; 1995-1998წწ. მუშაობდა რაჭა-ლეჩხუმისა და ქვემო სვანეთის რეგიონული კონტროლის პალატის თავმჯდომარედ; 1998-2004წწ. იყო საქართველოს პრეზიდენტის რწმუნებულის პირველი მოადგილე და შემდეგ რწმუნებული რაჭა-ლეჩხუმისა და ქვემო სვანეთის მხარეში; 2004-2007წწ. მუშაობდა საქართველოს კონტროლის პალატის ადგილობრივი ბიუჯეტის დეპარტამენტის აღმოსავლეთ საქართველოს სამმართველოს უფროსის მოადგილედ; 2007-2012წწ. - საქართველოს კონტროლის პალატის საერთო დანიშნულების სახელმწიფო მომსახურების სფეროს დეპარტამენტის აუდოტორად; 2012-2014წწ. მუშაობდა საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა დალტოლვილთა მინისტრად; უშუალოდ მონაწილეობდა აფხაზეთის ავტონომიური რესპუბლიკის ტერიტორიაზე მრავალი სამოქალაქო, სასოფლო-სამეურნეო და სამრეწველო ობიექტების მშენებლობაში; დიდი ღვაწლი მიუძღვის იძულებით გადაადგილებულ პირთა პრობლემების გადაწყვეტის და მოგვარების საქმეში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.190-191