ნიკოლოზ ხრამელაშვილი

დაბადების ადგილი: ქ. თბილისი. 

დაამთავრა კიევის უნივერსიტეტის სამედიცინო ფაკულტეტი 1913 წელს.

1932 წლამდე მუშაობდა კიევსა და კიევის ოლქში. 1935 წლიდან გარდაცვალებამდე განაგებდა ექიმთა დახელოვნების თბილისის ინსტიტუტის თვალის სნეულებათა კათედრას, ერთდროულად, დიდი სამამულო ომის (1941-1945) წლებში იყო თბილისის ერთ-ერთი ევაკოჰოსპიტლის თვალის სნეულებათა განყოფილების გამგე. შეისწავლიდა დაუზიანებელი კონიუნქტივალური პარკიდან ორგანიზმში  ტუბერკულოზის მიკობაქტერიის შეჭრის საკითხს, ატროფირებული მხედველობის ნერვის მკურნალობის შესაძლებლობას, სრულჰყო თვალის რამდენიმე ოპერაციის მეთოდი. ოფთალმოლოგი, მედიცინის მეცნიერებათა დოქტორი (1941), პროფესორი (1941). დაჯილდოებულია მედლებით. 

წყარო: ქართული საბჭოთა ენციკლოპედია: ტ. 11.-თბ., 1987.-გვ.507

• 1957 - საქართველოს დამსახურებული ექიმი
• საპატიო ნიშნის ორდენი
• საქართველოს მეცნიერებათა დამსახურებული მოღვაწე
• ლენინის ორდენი