ვალერიან გუგუნავა

დაბადების ადგილი: სოფელი ხორში, სენაკის რაიონი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი მგეგმავ-ეკონომისტის სპეციალობით.

1933 წლიდან იყო პარტიულ სამუშაოზე; მეორე მსოფლიო ომის დაწყების პირველი დღიდანვე მსახურობდა არმიაში; 1954 წლიდან მუშაობდა თბილისის მერიის, ყოფილ საქალაქო საბჭოს აღმასკომის სისტემაში; 1954-1977წწ. იყო თბილისის საქალაქო საბჭოს აღმასკომის სისტემაში; ამავე წლებში იყო თბილისის საქალაქო საბჭოს აღმასკომის საგეგმო კომისიის თავმჯდომარის პირველი მოადგილე, შედეგ თავმჯდომარე; 1977 წლიდან მუშაობდა საქართველოს სოცუზრუნველყოფის სამინისტროს საგეგმო-საფინანსო განყოფილების უფროსად; 1979-1991წწ. ასრულებდა საქართველოს ეკონომიკისა და დაგეგმარების სამეცნიერო-კვლევითი ინსტიტუტის თბილისის განყოფილების უფროსი მეცნიერ-თანამშრომლის, თბილისის საქალაქო საბჭოს აღმასკომის მთავარი სპეციალისტის მოვალეობებს; 1992-1994წწ. იყო თბილისის მერიის მთავარი მრჩეველი. დაჯილდოებული იყო მთავრობის უმაღლესი ორდენებით.

წყარო: თბილისის საპატიო მოქალაქეები, [1979-2006].-თბ.,2006.-გვ.35; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.201; დიდებული ადამიანები : ღირსეული ადამიანების ცხოვრება და ღვაწლი. ტ. 1 / ელგუჯა მგელაძე. -თბ., ლეთა, 2017. -გვ.85-94

• 2000 - ღირსების ორდენი
• 1995 - თბილისის საპატიო მოქალაქე
• სოციალისტური შრომის გმირი