ნოკო ხურცია

დაბადების ადგილი: სოფელი მენჯი, სენაკის რაიონი. 

დაამთავრა თბილისის სასოფლო-სამეურნეო ინსტიტუტი 1932 წელს.

ერთხანს მუშაობდა სპეციალობის მიხედვით. 1936-1948 წწ. მღეროდა საქართველოს ხალხური სიმღერისა და ცეკვის სახელმწიფო ანსამბლში. პარალელურად, როგორც კონსულტანტი და ლოტბარი, მუშაობდა საქართველოს სხვადასხვა რაიონსა და ქალაქში, აყალიბებდა და ხელმძღვანელობდა საგუნდო კოლექტივებს. იგი მრავალი სიმღერის ავტორია ("სიმღერა გმირ მფრინავ წურწუმიაზე", "შრომის გმირებს", "სტალინგრადი" და სხვა). აღადგინა და დაამუშავა არაერთი ძველი სიმღერა ("უტუს ლაშქრული", "ოდოია", "ჰარირა, "აბა, დარეჯან" და სხვა). ქართული ხალხური სიმღერების შემსრულებელი (ტენორი) და ლოტბარი.

წყარო: ქართული საბჭოთა ენციკლოპედია: ტ. 11.-თბ., 1987.-გვ.519; blog.geguchadze.com

• 1949 - საქართველოს დამსახურებული არტისტი
• საპატიო ნიშნის ორდენი