გივი დოლიძე

დაბადების ადგილი: სოფელი სამება, ჩოხატაურის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1948 წელს.

1949-1957წწ. მუშაობა დაიწყო ბათუმის ნავთობგადამამუშავებელი ქარხნის სამშენებლო სამმართველოში ოსტატად; იყო საწარმოო განყოფილების უფროსი, სამუშაოთა მწარმოებელი, სამმართველოს უფროსი; 1957-1964წწ. იყო საქართველოს მშენებლობის სამინისტროს N5 სამშენებლო ტრესტის N3 და N2 სამშენებლო-სამონტაჟო სამმართველოების უფროსი; 1964-1976წწ. მუშაობდა საქართველოს სასოფლო მშენებლობის სამინისტროს N1 სამშენებლო ტრესტის საწარმოო განყოფილების უფროსად, საწარმოო კომბინატის მთავარ ინჟინრად, საგარეჯოს N3 მოძრავ-მექანიზებული კოლონის უფროსად, გურჯაანის N4 სამშენებლო ტრესტის მმართველის მოადგილედ, გამარჯვების მეფრინველეობის კომპლექსის მშენებლობის უფროსად; 1976-1982წწ. იყო საპროექტო ინსტიტუტ "საქსახსოფლპროექტის" განყოფილებისა და ტრესტ "სპორტრემმშენის" სამშენებლო სამმართველოს უფროსი; 1982-1992წწ. მუშაობდა გაერთიანება "საქწყალექსპლუატაციის" მექანიზაციის ტრესტის მმართველის მოადგილედ, საგარეჯოს რკინაბეტონის ქარხნის დირექტორად; იყო სამშენებლო გაერთიანება "სპეცინტურისტმშენის" ტრესტის სამშენებლო-სარემონტო სამმართველოს უფროსი, ტრესტის მმართველის მოადგილე; 1992 წლიდან მუშაობდა ამავე ტრესტის მთავარ ინჟინრად; დაჯილდოებული იყო სხვადასხვა სახელმწიფო ჯილდოთი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.202;  წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.163

• 1997 - ღირსების ორდენი
• შრომის წითელი დროშის ორდენი
• საქართველოს დამსახურებული ინჟინერი