ზაურ დოლიძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამოქალაქო და სამრეწველო მშენებლობის სპეციალობით 1963 წელს.

1963 წელს დაიწყო მუშაობა საქართველოს მშენებლობის სამინისტროს N2 სამშენებლო ტრესტის N10 სამშენებლო სამმართველოში სამუშაოთა მწარმოებლად; 1965 წლიდან ამავე ტრესტის საპროექტო-სახარჯთაღრიცხვო ჯგუფს ხელმძღვანელობდა; 1969 წლიდან იყო N10 სამშენებლო სამმართველოს უფროსი სამუშაოთა მწარმოებელი და საწარმოო-ტექნიკური განყოფილების უფროსი; 1970 წლიდან - ტრესტის რკინაბეტონის საწარმოს ხელმძღვანელია; 1972 წლიდან მუშაობდა საქართველოს მშენებლობის სამინისტროს N15 სამშენებლო ტრესტის სახლმშენებელი კომბინატის საამქროს უფროსად; 1974 წლიდან იყო საქართველოს მშენებლობის სამინისტროს გამოთვლითი ცენტრის სამშენებლო მასალების კომპლექტაციის განყოფილების უფროსი; 1979 წლიდან კი - ამავე სამინისტროს სამშენებლო ტრესტ "სპეცმშენის" საწარმოო განყოფილების უფროსი; 1992-2005წწ. მუშაობდა ბათუმის ნავთობგადამამუშავებელი ქარხნის სამშენებლო სარემონტო სამმართველოს უფროსად; მონაწილეობდა საქართველოს სასოფლო-სამეურნეო ინსტიტუტის, დიღმის საკონსერვო ქარხნის, თემქის დასახლების საცხოვრებელი სახლების, ბათუმის ნავთობტერმინალის მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.203