რაჟდენ ხუციშვილი

დაბადების ადგილი: სოფელი კახი, აზერბაიჯანის რესპუბლიკა.

სწავლობდა ნოვოროსიის უნივერსიტეტში (ოდესა) 1908-1912 წლებში; დაამთავრა ხარკოვის უნივერსიტეტი 1912 წელს.

1918-1920 წწ. იყო თბილისის ფიზიკის ობსერვატორიის მაგნიტური განყოფილების გამგე. 1920-1923 წწ. საპროფესორო პრაქტიკის გასავლელად მიავლინეს ბერლინში, სადაც მოუსმინა კურსს და საგნები ჩააბარა ა. აინშტაინს, მ. პლანკს, მ. ლაუეს, ვ. ნერნსტს, ე. ვარბურგსა და სხვა. 1923-1925 წწ. მუშაობდა თბილისის გეოფიზიკის ობსერვატორიაში, 1924 წლიდან მუშაობდა დირექტორად და კითხულობდა ფიზიკის კურსს თბილისის სახელმწიფო უნივერსიტეტში, 1927-1928 წლებში იყო ლენინგრადში მთავარი გეოფიზიკის ობსერვატორიის მაგნიტური განყოფილების გამგე, 1928-1931 წწ. ამ ობსერვატორიასთან დაარსებული დედამიწის მაგნეტიზმისა და ატმოსფერული ელექტრობის სამეცნიერო-კვლევითი ინსტიტუტის დირექტორი. ხელმძღვანელობდა მაგნიტოლოგთა კადრების მომზადებას II საერთაშორისო პოლარული წლისთვის და მაგნიტური ობსერვატორიების ორგანიზაციას ჩრდილოეთ ყინულოვან ოკეანეში (ფრანც-იოსების მიწა), რუდოლფის კუნძულსა და ახალი მიწის კუნძულებზე. 1931 წლიდან მუშაობდა თბილისის სახელმწიფო უნივერსიტეტში, 1932-1933 წწ. იყო თეორული  ფიზიკის კათედრის გამგე. გეოფიზიკოსი, პროფესორი (1932).

წყარო: ქართული საბჭოთა ენციკლოპედია: ტ. 11.-თბ., 1987.-გვ.521