ალექსანდრე აბარიანი

დაბადების ადგილი: ქ. დერბენდი, დაღესტანი.

სასცენო მოღვაწეობა დაიწყო 1921 წლიდან კისლოვოდსკში, სომეხ მსახიობთა დასში. 1926 წლიდან იყო ბაქოსა და სხვა ქვეყნების სომხური თეატრების მსახიობი და რეჟისორი. 1938-1944 წლებში იყო თბილისის სომხური თეატრის მთავარი რეჟისორი, პარალელურად-მოზარდ-მაყურებელთა სომხური თეატრის სამხატვრო ხელმძღვანელი. 1944-1946 წლებში  თბილისის მოზარდ მაყურებელთა თეატრის რეჟისორი. 1946-1953 წლებში ლენინაკანის თეატრის სამხატვრო ხელმძღვანელი. 1953 წლიდან  თბილისის სომხური თეატრის რეჟისორი. დადგმული აქვს შემდეგი სპექტაკლები:  ა. შირვანზადეს "ნამუსი", გ. სუნდუკიანის "პეპო", შ. დადიანის "ნაპერწკლიდან", კ. გუცკოვის "ურიელ აკოსტა", ა. სუმბათაშვილ-იუჟინის "ღალატი" და სხვა. მიღებული აქვს სახელმწიფო ჯილდოები. პროფესორი.

წყარო: საქართველო: ენციკლოპედია: ტ.I.–თბ., 1997. გვ.14; საქართველოს პარლამენტის ეროვნული ბიბლიოთეკა : ივერიელი (dspace.nplg.gov.ge)

• 1964 - სომხეთის ხელოვნების დამსახურებული მოღვაწე
• 1943 - საქართველოს ხელოვნების დამსახურებული მოღვაწე