მელორ სტურუა

დაბადების ადგილი: ქ. თბილისი.

დაამთავრა მოსკოვის საერთაშორისო ურთიერთობათა ინსტიტუტი 1949 წელს.

1950 წლიდან დაიწყო მუშაობა გაზეთ "იზვესტიაში", ჯერ ლიტ. მუშაკად, ხოლო შემდეგ საერთაშორისო ურთიერთობათა განყოფილების რედაქტორის მოადგილედ; 1964-1968წწ. და 1972-1977წწ. იყო გაზეთ "იზვესტიის" საკუთარი კორესპონდენტი ინგლისში; 1968-1972წწ. - აშშ-ში; 1977-1982წწ. მუშაობდა გაზეთ "იზვესტიის" საკორესპონდენტო პუნქტის გამგედ აშშ-ში; 1982 წლიდან იყო გაზეთ "იზვესტიის" საერთაშორისო ურთიერთობათა განყოფილების რედაქტორი და სარედაქციო კოლეგიის წევრი; 1989-1990წწ. მუშაობდა აშშ-ის კარნეგის ფონდის თანამშრომლად საერთაშორისო უსაფრთხოების მიმართულებით; 1990-1991წწ. იყო ჰარვარდის უნივერსიტეტის ჯონ კენედის სახელობის სახელმწიფოს მმართველობის სკოლის თანამშრომელი; 1991 წლიდან - მინესოტის უნივერსიტეტის საზოგადოებრივი პოლიტიკის ინსტიტუტის მეცნიერ მუშაკი, პროფესორი; ა. ტოლსტოისა (1983) და ვ. ვოროვსკის (1959) სახელობის პრემიების ლაურეატი. 2000-იანი წლების დასაწყისიდან აგრძელებდა მუშაობას აშშ-ში გაზეთ "მოსკოვსკი კომსომოლეც"-ის მიმომხილველად. ავტორია რამდენიმე წიგნისა. 

წყარო: თბილისის საპატიო მოქალაქეები, 1979-2006 / თბილ. მერიის განათლ. და კულტ. სამსახური.-თბ.,2006.-გვ.104-105

• 1988 - თბილისის საპატიო მოქალაქე
• ხალხთა მეგობრობის ორდენი
• შრომის წითელი დროშის ორდენი (2 ორდენი)

• ფეხბურთის ალბიონი, 1966 : ინგლისში გამართული VIII მსოფლიო ჩემპიონატი (ავტორი). - თბილისი, საბჭ. საქართველო, 1968. - 286გვ.