ნუგზარ დუდუჩავა

დაბადების ადგილი: ქ. სოხუმი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1972 წელს.

1972-1976წწ. მუშაობდა სახელმწიფო საპროექტო ინსტიტუტ "საქქალაქმშენსახპროექტის" სოხუმის ფილიალში არქიტექტორად, უფროს არქიტექტორად; 1977-1989წწ. იყო აფხაზეთის ასსრ არქიტექტურისა და მშენებლობის საქმეთა სახელმწიფო კომიტეტის ("სახმშენი") თავმჯდომარის მოადგილე; 1989-1993წწ. სოხუმის მთავარი არქიტექტორი; 1988 წლიდან ხელმძღვანელობს მის მიერ დაარსებულ არქიტექტურულ ბიუროს "არქპლუსი"; 1994-2001წწ. საპროექტო ორგანიზაციებში მუშაობის პარალელურად, იყო საქართველოს არქიტექტორთა კავშირის ორგმდივანი, თავმჯდომარის მოადგილე; 2001 წლიდან თავმჯდომარის პირველი მოადგილე; 1994-2009წწ. საქართველოს ტექნიკური უნივერსიტეტის არქიტექტურის ინსტიტუტის არქიტექტურული გეგმარების კათედრის მიწვეული პადაგოგი, დოცენტი; მისი ნამუშევრებია: გაერთიანება "ავტოგაზის" პანსიონატი გულრიფშის რაიონში, ქ. ოჩამჩირის გენერალური გეგმა, კოლმეურნეობის გამგეობისა და კლუბების შენობები ოჩამჩირისა (სოფ. თხინა) და გუდაუთის (სოფ. აჩანდარა) რაიონებში, აფხაზეთის სახელმწიფო მუზეუმი და სასტუმრო "აფხაზეთი" (რეკონსტრუქცია-გაფართოება), სამამულო ომში დაღუპულთა მემორიალი სოფ. ბზიფში, მრავალბინიანი და ინდივიდუალური საცხოვრებელი სახლები სოხუმსა და თბილისში, სააგარაკო სახლები წყნეთსა და მუხათგვერდში, საზოგადოებრივი კვებისა და მრავალფუნქციური ობიექტები თბილისში; არის არქიტექტურის I ბიენალეს (1988, საქართველო), "არქპროექტის" II საკავშირო კონკურსის (1988); ორი საკავშირო კონკურს-დათვალიერების (1988) ლაურეატი; ღია არქიტექტურული კონკურსის (1989) გამარჯვებული.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.206-207

• საქართველოს არქიტექტორთა კავშირი, კოლეგიის წევრი
• საქართველოს არქიტექტორთა კავშირი, გამგეობის წევრი