მურმან დუნდუა

დაბადების ადგილი: სოფელი მარანი, აბაშის რაიონი.

დაამთავრა ქ. ფოთის ჰიდრომელიორაციული ტექნიკუმი 1952 წელს, საქართველოს პოლიტექნიკური ინსტიტუტის სატრანსპორტო ფაკულტეტი 1972 წელს.

1954-1956წწ. მუშაობდა კასპის რაიონის სარწყავი სისტემის სამმართველოში ჰიდრომელიორატორად; 1957-1960წწ. მუშაობდა საქართველოს სოფლის მეურნეობის სამინისტროში სხვადასხვა თანამდებობაზე; 1960-1974წწ. მუშაობდა საქართველოს საავტომობილო გზების სამინისტროს N7 საგზაო სარემონტო-სამშენებლო სამმართველოში გზების მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად; 1974-1985წწ. ხელმძღვანელობდა საქართველოს საავტომობილო გზების სამინისტროს N18 საგზაო-საექსპლუატაციოსამმართველოს; 1985-1989წწ. N7 საგზაო სარემონტო-სამშენებლო სამმართველოს; 1989 წელს დაინიშნა საქართველოს საავტომობილო გზების სამინისტროს გაერთიანება "აჭარავტოგზის" უფროსად; 1998 წელს სათავეში ჩაუდგა აჭარის ავტონომიური რესპუბლიკის საავტომობილო გზების დირექციას; 1990-2003წწ. იყო საქართველოს ტექნიკური უნივერსიტეტის საავტომობილო გზების კათედრის უფროსი პედაგოგი; შპს "ზიმო-7"-ის დირექტორის მრჩეველია; ხელმძღვანელობდა "ჩოხატაური-ბახმაროს" საავტომობილო გზის მშენებლობას, "ბათუმი-ახალციხის" საავტომობილო გზის გოდერძის უღელტეხილის მონაკვეთის, "ქობულეთი-ბათუმის", "ბათუმი-სარფის", "ფოთი-ურეკი-ქობულეთის" მონაკვეთების რეკონსტრუქციას; ჭოროხზე (გონიოდან და მახოსთან), აჭარისწყალზე (ხიჭაურთან და დანდაოსთან), მდ. სარფისწყალზე, მაჭახელაზე და სხვა მდინარეებზე სახიდე გადასასვლელების მშენებლობას; სახელმწიფო კონცერნ "საქავტოგზის" საწარმოო გაერთიანება "აჭარავტოგზის" უფროსი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.208; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.443

• 1996 - ღირსების ორდენი
  საქართველოს საავტომობილი გზების მშენებლობის საქმეში შეტანილი წვლილისა და ნაყოფიერი მუშაობისათვის
• საპატიო მეგზევე
• აჭარის დამსახურებული ინჟინერი
• საქართველოს დამსახურებული ინჟინერი