აზრათ ყული-ბეგ მარტყოფელი

განჯის სახანოს მმართველი 1778-1783 წლებში. წარმოშობით ქართველი. ბავშვობაში გაიტაცეს სოფელ მარტყოფიდან და ყარაბაღის ხანს იბრაჰიმს მიჰყიდეს. ტყვე გაამაჰმადიანეს, შეინარჩუნა მხოლოდ თავისი სადაურობა-მარტყოფელი. ბუნებრივი ნიჭისა და ვაჟკაცობის წყალობით მან ჯერ ყარაბაღის სახანოს პირველ ვეზირობას მიაღწია, ხოლო როცა ერეკლე II-მ იბრაჰიმ-ხანთან ერთად 1778 წელს განჯის სახანო აიღო, აზრათ ყული-ბეგ მარტყოფელი ქაიხოსრო ანდრონიკაშვილთან ერთად განჯის მმართველი გახდა. ამ თანამდებობაზე ქაიხოსრო ერეკლე მეფემ დანიშნა, ხილო აზრათ ყული-ბეგ მარტყოფელი - იბრაჰიმ-ხანმა.

წყარო: საქართველო: ენციკლოპედია: ტ.I.–თბ., 1997.–გვ.73