გურამ ებანოიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი სამთო-საწარმოთა მშენებლობის სპეციელობით 1958 წელს.

1958-1960წწ. მუშაობდა საპროექტო ინსტიტუტ "თბილქალაქპროექტში" ინჟინრად; 1960-1964წწ. სამშენებლო ტრესტ "საქჰიდროენერგომშენის" მექანიზებულ სამუშაოთა სამმართველოში, "ენგურჰესის" მშენებლობაზე სამუშაოთა მწარმოებლად; 1964-1976წწ. საქართველოს საბინაო-კომუნალური მეურნეობის სამინისტროს ტრესტ "საქკომუნრემმშენში" საწარმოო-ტექნიკური განყოფილების უფროსად; 1976-1977წწ. იყო საპროექტო ინსტიტუტ "საქქალაქმშენსახპროექტის" პროექტის მთავარი ინჟინერი, საწარმოო-საგეგმო განყოფილების უფროსი; 1977-1983წწ. საქართველოს კომპარტიის ცენტრალური კომიტეტის საქმეთა მმართველობის ინჟინერი; 1983-1990წწ. მუშაობდა საქართველოს მინისტრთა საბჭოსთან არსებული ადგილობრივი კურორტების სამმართველოში უფროსის მოადგილედ მშენებლობის დარგში; 1990-1995წწ. ასოციაცია "იბერიაში" სამშენებლო ფირმის დირექტორად; 1995-2000წწ. კონცერნ "აი-სი-ტი ინტერნეიშნლ გრუპ"-ის საქართველოს წარმომადგენლობაში უფროსის მოადგილედ მშენებლობის დარგში; მისი მონაწილეობით და ხელმძღვანელობით შესრულებულია არაერთი მნიშვნელოვანი ობიექტის მშენებლობა, მათ შორის: საქართველოს კპ ცენტრალური კომიტეტის (ამჟამად სახელმწიფო კანცელარია) ადმინისტრაციული შენობა, თბილისის "დინამოს" საწვრთნელი ბაზის კომპლექსი დიღომში, ქ. თბილისის, ქუთაისის, თელავის სასტუმროების შენობები, წყალსადენ-კანალიზაციის მაგისტრალური ქსელები იმერეთისა და კახეთის რეგიონებში და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.209

• საქართველოს მშენებელთა კავშირი, წევრი