ჯავახიშვილი

XVIII საუკუნის ქართველი პოეტი ვახტანგ VI-ის ლიტარატურული წრიდან. მოხსენიებული ჰყავს დავით გურამიშვილს (ჯავახიშვილს გამალექსეს...).  ვახტანგ VI-ის ამალის წევრთაგან ცნობილი არიან ძმები შიოშ და ერასტი ჯავახიშვილლები. ორივე ქართველ ჰუსართა ასეულში (შემდეგ პოლკში) ჩაურიცხავთ, მამულებიც სხვა ქართველ ემიგრანტებთან ერთად უკრაინაში მიუციათ. ერთ-ერთი მათგანი უნდა იყოს იმ ხანებში ცნობილი პოეტი ჯავახიშვილი, რომლის ნაწერებს ჩვენამდე არ მოუღწევია. 

წყარო: ქართული საბჭოთა ენციკლოპედია: ტ. 11.-თბ., 1987.-გვ.525