კონსტანტინე ებანოიძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1930 წელს.

1930-1931წწ. მუშაობდა ამიერკავკასიის გზატკეცილების სამმართველოში საძიებო პარტიის უფროსად; 1931-1933წწ. საქართველოს შინაგან საქმეთა კომისარიატის გზების განყოფილებაში მთავარ ინჟინრად; 1933-1936წწ. დასავლეთ საქართველოს N729 საგზაო უბანზე მთავარ ინჟინრად; 1936-1941წწ. ხელმძღვანელობდა N730 საგზაო-საექსპლუატაციო უბანს; 1941-1946წწ. საქართველოს შინაგან საქმეთა სამინისტროს განსაკუთრებულ მშენებლობათა განყოფილებას; 1946-1952წწ. სსრ კავშირის ნავთობის მრეწველობის სამინისტროს საქართველოს N6 და 1952-1953წწ. საქართველოს სსრ სოფლის მეურნეობის სამინისტროს სამშენებლო სამმართველოებს; მისი მონაწილეობითა და ხელმძღვანელობით აშენდა N34 (ქობულეთის საზაფხულო), N164 (ქუთაისის, კოპიტნარის), N1536 (საგარეჯოს, ალექსეევკის), N1547 (გუდაუთის, ბომბორას) და N1549 (სოხუმის) აეროდრომები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.209