თამაზ ებრალიძე

დაბადების ადგილი: სოფელი ლაშისღელე, ლანჩხუთის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1958 წელს.

1958-1960წწ. მუშაობდა ტრესტ "საქჰიდროენერგომშენში" ოსტატად, სამუშაოთა მწარმოებლად; 1960-1970წწ. საქართველოს მშენებლობის სამინისტროს სამშენებლო გაერთიანება "მთავართბილმშენში" უფროს სამუშაოთა მწარმოებლად; 1970-1974წწ. თბილისის საქალაქო საბჭოს აღმასკომის სამშენებლო ტრესტ "ინჟმშენის" N4 სამშენებლო-სამონტაჟო სამმართველოს უფროსად; 1974 წლიდან იყო საქართველოს ხე-ტყის მრეწველობის სამინისტროს თბილისის სპეციალიზებული სამშენებლო-სამონტაჟო სამმართველოს უფროსი, ტრესტ "საქავეჯმშენის" (ამჟამად, სს "მშენებელი-21") მთავარი ინჟინერი, მოგვიანებით კი - მმართველი; მონაწილეობდა არაერთი ახალი კონსტრუქციის შექმნაში, უნიკალური და ექსპერიმენტული ნაგებობების, მათ შორის: თბილისის ტელეცენტრის, სპორტის სასახლის, სასტუმრო "ივერიის", სხვა სამოქალაქო-სამრეწველო ობიექტების მშენებლობაში; არის სხვადასხვა სახელმწიფო ჯილდოს მფლობელი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.210

• საქართველოს დამსახურებული ინჟინერი