მიტროფანე შელია

დაბადების ადგილი: სოფელი საჩინო, წალენჯიხის რაიონი. 

დაამთავრა წალენჯიხის საშუალო სკოლა.

1933 წლიდან გუნდს ხელმძღვანელობდა. 1936 წელს თვითმოქმედების სარაიონო დათვალიერებაში წარმატებას მიაღწია. მას წალენჯიხის რაიონის ხელმძღვანელობამ პირველი ადგილი და სათანადო ჯილდო მიანიჭა. 1939 წელს თბილისში გაემგზავრა და საგუნდო მოღვაწეთა სამთვიანი გადასამზადებელი კურსები გაიარა, კვალიფიკაცია აიმაღლა. შემდეგ კვლავ წალენჯიხაში დაბრუნდა მუშაოების უკეთ წარსამართავად. რაიონისა და სოფლების სხვადასხვა სკოლებში მოსწავლეთა გუნდებს ხელმძღვანელობდა, ხოლო უფრო გვიან, 1942 წლიდან, წალენჯიხის რაიონის სიმღერისა და ცეკვის ანსამბლში, სოლისტ-მომღერლად მუშაობდა. სხვადასხვა დათვალიერებებსა და ოლიმპიადებში ხალხურ რეპერტუარს მოხერხებულად იყენებდა, რათა ჯეროვნად წარმოეჩინა მშობლიური რაიონის სახე. მრავალი ქების ფურცელი და საპატიო სიგელი დაიმსახურა თვითმოქმედების ფართოდ გაშლისათვის. ხალხური სიმღერების შემსრულებელი, ლოტბარი. 

წყარო: ხალხური სიმღერის მოამაგენი.-თბ., 2007.-გვ.203

• 1968 - საქართველოს კულტურის დამსახურებული მოღვაწე