ალექსანდრე რონდელი

დაბადების ადგილი: ქ. თბილისი

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი ირანის ისტორიის სპეციალობით 1966 წელს. იმავე წელს ჩაირიცხა თბილისის სახელმწიფო უნივერსიტეტის გეოგრაფია-გეოლოგიის ფაკულტეტის პოლიტიკური და ეკონომიკური გეოგრაფიის კათედრაზე ასპირანტურაში.

1968-1970წწ. მუშაობდა ირანში; 1970 წლიდან გააგრძელა სწავლა ასპირანტურაში, შემდეგ თბილისის სახელმწიფო უნივერსიტეტში მუშაობდა მასწავლებლად და 1983 წლიდან - დოცენტად. 1976-1977წწ. სტაჟირება გაიარა ლონდონის (დიდი ბრიტანეთი) ეკონომიკისა და პოლიტიკური მეცნიერებების სკოლის გეოგრაფიის დეპარტამენტში; 1982 წელს სტაჟირება გაიარა მოსკოვის მ. ლომონოსოვის სახელობის სახელმწიფო უნივერსიტეტის გეოგრაფია-გეოლოგიის ფაკულტეტზე; 1993-1994წწ. სტაჟირება გაიარა ვუდრო ვულსონის სახელობის საზოგადოებრივ და საერთაშორისო საქმეთა სკოლაში (პრინსტონის უნივერსიტეტი, აშშ). 1991 წელს ალექსანდრე რონდელი იყო მიწვეული პროფესორი ემორის უნივერსიტეტში (აშშ); 1995 წელს-მაუნთ ჰოლიოკ კოლეჯში (აშშ); 1992, 1995 და 1997 წლებში - უილიამს კოლეჯში. 1993 წელს აირჩიეს ლონდონის სტრატეგიული კვლევის საერთაშორისო ინსტიტუტის წეევრად. 1991-1996წწ. იყო თბილისის სახელმწიფო უნივერსიტეტის საერთაშორისო ურთიერთობების კათედრის გამგე; 1997-2001წწ. იყო საქართველოს საგარეო საქმეთა სამინისტროს საგარეო პოლიტიკის კვლევისა და ანალიზის ცენტრის დირექტორი; 2000 წელს მას მიენიჭა საგანგებო და სრულუფლებიანი ელჩის დიპლომატიური რანგი; 2002 წლიდან იყო საქართველოს სტრატეგიისა და საერთაშორისო ურთიერთობების კვლევის ფონდის პრეზიდენტი. გამოქვეყნებული აქვს სამეცნიერო ნაშრომები. გეოგრაფიის მეცნიერებათა დოქტორი (1974).

საკანდიდატო დისერტაციის თემა - "ირანის ქალაქების ფორმირებისა და განვითარების ძირითადი საკითხები", დაიცვა 1974 წელს.

წყარო: საქართველოს სტრატეგიისა და საერთაშორისო ურთიერთობების კვლევის ფონდი: gfsis.org/ge; ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.224; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.214

• 2000 - ღირსების მედალი

• ირანი და საქართველო - ურთიერთობების დაახლოების პერსპექტივები = Iran and Georgia - relations could be closer (ავტორი). - თბილისი, 2014
• პატარა ქვეყანა საერთაშორისო სისტემაში : მონოგრაფია (ავტორი). - თბილისი, ნეკერი, 2009. - 312გვ.
• საერთაშორისო ურთიერთობებ (ავტორი). - თბილისი, 1996. - 240გვ.
• ქალაქის გეოგრაფია : სახელმძღვ. გეოგრაფიის სპეც. სტუდ. (ავტორი). - თბილისი, თბილ. უნ-ტის გამ-ბა, 1990. - 191გვ.
• საქართველო-რუსეთი: უარყოფითიდან დადებით გაურკვევლობამდე = Georgia-Russia: from negative to positive uncertainty (ავტორი). - თბილისი, 2013