
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

მამია ჩიკაშუა

Date of birth:	1924
Date of death:	1998 (at 74 years)
Category:	Conductor, Educator

Biography

დაამთავრა თბილისის სახელმწიფო კონსერვატორიის, საგუნდო-სადირიჟორო ფაკულტეტი.

მახარაძის საშუალო სკოლის მოწაფე იყო, როცა პირველად სცადა სასაკოლო გუნდის ხელმძღვანელობა. 1942-1946წწ. მახარაძის კულტსახლის გუნდის ხელმძღვანელი იყო. დასავლეთ საქართველოს ბევრ რაიონში იმუშავა, მრავალი საშეფო კონცერტი გამართა საბჭოთა არმიის მეომრებისათვის. შემდეგ თბილისში მუსკომედიის თეატრში მოეწყო მსახიობად და ქორმაისტერად. პარალელურად პირველ მუსიკალურ სასაწავლებელში საგუნდო ლოტბარობას ასწავლიდა. 1949 წელს თბილისის კონსერვატორიაში ჩაირიცხა საგუნდო-სადირიჟორო განყოფილებაზე. 1952-1956წწ. სახელმწიფო კაპელის დირიჟორი იყო. 1957 წელს მოსკოვში მიავლინეს კვალიფიკაციის ასამაღლებლად, სადაც სადირიჟორო წვრთნას პროფ. ა. სვეშნიკოვთან გადიოდა. პარალელურად "კრასნაია ზარიას" კულტსახლის გუნდშიც იმუშავა, რამაც დიდი გამოცდილება შესძინა. 1958 წელს თბილისში ჩატარებულ მახარაძის რაიონის დეკადასთან დაკავშირებით დაევალა ხალხური სიმღერის გუნდის მხატვრული ხელმძღვანელობა. იყო ქალაქ მახარაძის მუსიკალური სკოლის დირექტორი. 1958-1964 წლებში უფროს პედაგოგად მუშაობდა თბილისის კონსერვატორიაში. მეცხრე რესპუბლიკურ ოლიმპიადაზე მასწავლებლის სახლის თვითმოქმედმა კაპელამ წარმატება მოიპოვა, რისთვისაც მას II ხარისხის დიპლომი გადაეცა. 1963 წელს სამხედრო ნაწილებში კონსერვატორიის სტუდენტთა გამოსვლებისათვის მადლობა დაიმსახურა. მისი სამეცნიერო ნაშრომებიდან უნდა გამოიყოს "საგუნდო ხელოვნების რითმი" (1954). და "გუნდთან მუშაობა" (მეთოდური მითითებები გუნდის ხელმძღვანელთათვის, 1963). ჩაწერილი აქვს მრავალი ხალხური სიმღერა, ხოლო ზოგიერთი საგუნდოდ მის მიერ არის გადამუშავებული. მრავალი ქორმაისტერის, პედაგოგისა და შემსრულებლის აღმზრდელი იყო. საზოგადოებრივ საწყისებზე უტარებდა კონსულტაციებს თბილისის ნაძალადევის რაიონის ყველა საგუნდო კოლექტივს. 1966 წელს წარმატებით დაიცვა საკანდიდატო დისერტაცია. ხალხური სიმღერების გუნდის ხელმძღვანელი, ლოტბარი.

წყარო: ხალხური სიმღერის მოამაგენი.-თბ., 2007.-გვ.211

Awards and Honors

1967 - საქართველოს დამსახურებული არტისტი

Bibliography

გუნდთან მუშაობა : მეთოდ. რჩევა-დარიგება მომღერალთა გუნდების ხელმძღვანელებს (Author). - თბილისი, ცოდნა, 1963. - 30გვ.