დავით ელიაშვილი

დაბადების ადგილი: ქ. ფოთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი თბოაირმომარაგებისა და სავენტილაციო სისტემების ინჟინრის სპეციალობით 1956 წელს.

1956-1958წწ. მუშაობდა საპროექტო ინსტიტუტ "თბილქალაქპროექტის" ახალჩამოყალიბებული გაზიფიკაციის სექტორის ინჟინრად, უფროს ინჟინრად; 1958-1963წწ. საქართველოს სამთო-ტექნიკური ზედამხედველობის კომიტეტში მთავარ ინჟინრად; 1963-1967წწ. იყო საქართველოს მინისტრთა საბჭოსთან არსებული გაზიფიკაციის მთავარ სამმართველოში ("მთავარგაზი") ექსპლუატაციის განყოფილების უფროსი, სამმართველოს მთავარი ინჟინერი, უფროსის მოადგილე; 1967-1969წწ. ქ. თბილისის გაზის მეურნეობის კაპმშენებლობის განყოფილების უფროსი; 1969-1976წწ. სსრკ კავშირის გაზის მრეწველობის სამინისტროს ამიერკავკასიის გაზსადენების სისტემის უფროსის მოადგილე - მთავარი ინჟინერი; 1976-1992წწ. მუშაობდა ამავე სამინისტროს საწარმოო გაერთიანება "საქტრანსგაზმრეწვის" მთავარ ინჟინრად; 1992-1993წწ. საქართველოს სახელმწიფო დეპარტამენტ "საქგაზის" თავმჯდომარის პირველი მოადგილე; 1993-1997წწ. თავმჯდომარედ; 1997 წლიდან სს "საქტრანსგაზმრეწვის" გენერალური დირექტორის მოადგილედ და დირექტორად; უშუალოდ ხეხელმძღვანელობდა ამიერკავკასიის გაზსადენების სისტემის რეკონსტრუქცია-გაფართოებას, მძლავრი საკომპრესორო სადგურებისა და მიწისქვეშა საცავების პროექტირებას, მშენებლობასა და ექსპლუატაციას; საქართველოში, აზერბაიჯანში, ირანში, ჩრდილოეთ კავკასიაში, სომხეთში და სხვა კვლევები აქვს ჩატარებული თბოაირმომარაგებისა და სავენტილაციო სისტემებში თბური ენერგიის რესურსების დაზოგვის მიმართულებით; 1960 წლიდან მუშაობს საქართველოს ტექნიკური უნივერსიტეტის თბოგაზმომარაგების, ნავთობისა და გაზის საბადოების დამუშავებისა და ექსპლუატაციის კათედრაზე; კითხულობს მაგისტრალური მილსადენების სისტემების ავტომატიზაციისა და ექსპლუატაციის კურსს; არის არაერთი სამეცნიერო-ტექნიკური კონფერენციის მონაწილე; დანერგილი აქვს არაერთი გამოგონება და პრაქტიკული სამეცნიერო-ტექნიკური წინადადება; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.212

• საქართველოს ეროვნული ენერგეტიკული აკადემია, პრეზიდიუმის წევრი
• საქართველოს საინჟინრო აკადემია, წევრ-კორესპონდენტი

• საქართველოს დამსახურებული ინჟინერი

• საქართველოს ენერგეტიკოსები = Georgian power engineers : ენციკლოპედია (რედაქტორი). - თბილისი, "ფავორიტი პრინტი", 2010. - 432გვ.
• "იტერა" საქართველოში = "Итера" в Грузии (ავტორი). - თბილისი, 2004. - 35გვ.