გივი ელიოზიშვილი

დაამთავრა მოსკოვის საფინანსო-ეკონომიური ინსტიტუტის თბილისის ფილიალი 1947 წელს; თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1951 წელს.

შრომითი საქმიანობა დაიწყო თბილისის მეტროპოლიტენის N2-3 უბნების მშენებლობაზე; 1953-1957წწ. მუშაობდა საქართველოს მშენებლობის სამინისტროს სხვადასხვა სამშენებლო ორგანიზაციებში ოსტატად, საწარმოო-ტექნიკური განყოფილების უფროსად, სამუშაოთა მწარმოებლად, რკინაბეტონის ნაკეთობათა ქარხნის ოსტატად; 1957-1974წწ. იყო ადგილობრივი მრეწველობის სამინისტროს კაპიტალური მშენებლობის სამმართველოს ინჟინერი, უფროსი ინჟინერი, სამმართველოს მთავარი ინჟინერი, უფროსი, საპროექტო ინსტიტუტ "საქკომუნპროექტის" მთავარი ინჟინერი; 1974-1999წწ. ხელმძღვანელობდა საქართველოს მეცნიერებათა აკადემიის კაპიტალური მშენებლობის სამმართველოს, იმავდროულად იყო მეცნიერებათა აკადემიის პრეზიდიუმის რწმუნებული მშენებლობის საკითხებში; იყო ომისა და შრომის ვეტერანი; დამსახურებული აქვს სამოქალაქო და სამხედრო ხელმძღვანელობის არაერთი მადლობა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.213