ნოდარ ემუხვარი

დაბადების ადგილი: ქ. სოხუმი.

დაამთავრა საქართველოს პოლიტექნიკური ინსტიტუტი ჰიდროტექნიკურ ნაგებობათა მშენებლობის სპეციალობით 1951 წელს.

1961-1972წწ. მუშაობდა სამშენებლო-სამონტაჟო ტრესტ "საქჰიდროენერგომშენის" ობიექტებზე ინჟინრად, მშენებლობის მთავარ ინჟინრად, "ენგურჰესის" თაღოვანი კაშხლის მშენებლობის სამმართველოს მთავარ ინჟინრად, სამმართველოს უფროსად; 1973 წლიდან საპროექტო-საძიებო ინსტიტუტ "საქჰიდროპროექტის" მთავარი ინჟინერი იყო; 1993 წლიდან - ენგურის ჰესების კასკადის პროექტის მთავარი ინჟინერი; უშუალოდ მონაწილეობდა ორთაჭალჰესის, ხრამჰესის, ხუდონჰესის, ნამახვანჰესის, რუსთავის სამრეწველო კვანძისა და თბილსრესის ტექნიკური წყალმომარაგების დაპროექტებაში. საქართველოს მდინარეების ენერგეტიკული ათვისების სქემების დამუშავებაში; ხელმძღვანელობდა საქართველოს მცირე ჰესების რეაბილიტაციისა და ახლის აშენების სქემების შედგენას; 1975 წელს დაამთავრა საკავშირო ენერგეტიკის სამინისტროს ხელმძღვანელ მუშაკთა სამეცნიერო-კვლევითი და საპროექტო ინსტიტუტების მართვის კურსები; 1985 წელს საქართველოს მეცნიერებისა და ტექნიკის სახელმწიფო კომიტეტთან არსებული სახალხო მეურნეობის ინსტიტუტი; მონაწილეა საერთაშორისო სიმპოზიუმებისა და კონფერენციისა იტალიაში, ჩინეთში, გერმანიაში, ავსტრიაში, თურქეთსა და სსრკ-ში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.213-214; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.145

• საქართველოს ეროვნული აკადემია, წევრი
• საქართველოს ფაზისის აკადემია, ნამდვილი წევრი

• 1997 - ღირსების ორდენი
• საპატიო ნიშნის ორდენი (2 ორდენი)
• საქართველოს დამსახურებული ინჟინერი