ნიკოლოზ ერისთავი

დაბადების ადგილი: ქ. ქუთაისი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1940 წელს.

1940-1941წწ. მუშაობდა თბოელექტროსადგურ "სევერნაიას" ინჟინერ-მშენებლად; 1941-1943წწ. ლითონკონსტრუქციების ქარხნის დისპეტჩერად, საამქროს უფროსად; 1943-1945წწ. მთავარი საგზაო სამმართველოს უფროს ინჟინრად; 1945-1950წწ. ტრესტ "საქნახშირის" უფროს სამუშაო მწარმოებლად; 1950-1957წწ. მუშაობდა სამშენებლო-სამონტაჟო ტრესტ "საქკვებმშენის" სამმართველოს მთავარ ინჟინრად, უფროსად; 1957-1964წწ. სამშენებლო-სამონტაჟო ტრესტ "საქკვებმშენმონტაჟის" ქარხნის დირექტორად; 1964 წლიდან იყო საქართველოს მშენებლობის სამინისტროს N3 სამშენებლო ტრესტ "თბილმრეწვმშენის" N1 სამშენებლო სამმართველოს უფროსი; მონაწილეობდა თბილისის კიროვის სახელობის ჩარხმშენებელი და "ცენტროლიტის" ქარხნების, ზაჰესის ატომური რეაქტორის, საკოლმეურნეო ბაზრის (თბილისში) და სხვა მნიშვნელოვანი ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.214

• მედალი "შრომითი მამაცობისთვის"
• საპატიო ნიშნის ორდენი
• საქართველოს დამსახურებული ინჟინერი