მიხეილ ეროპკინი

დაბადების ადგილი: დაბა სურამი, ხაშურის რაიონი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი მიმოსვლის გზათა მშენებლობის სპეციალობით 1970 წელს.

მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენში", საპროექტო ინსტიტუტ "ჰიდროპროექტის" თბილისის განყოფილებაში ინჟინრად, განყოფილების გამგედ, სამშენებლო-სამონტაჟო ტრესტ "საქჰიდროენერგომშენის" გზების მშენებლობის სამმართველოში სამუშაოთა მწარმოებლად, საინჟინრო ნაგებობათა სამშენებლო სამმართველოში N6, N7 და N12 უბნის უფროსად; 1988 წელს დაინიშნა "ჟინვალჰესის" სამშენებლო სამმართველოს მთავარ ინჟინრად, ხოლო 1992 წლიდან ამავე სამმართველოს უფროსი იყო; ხანგრძლივი პერიოდის განმავლობაში მუშაობდა და მონაწილეობდა როგორც საქართველოში, ისე უცხოეთში არაერთი საგზაო და ჰიდროტექნიკური ნაგებობის მშენებლობაში; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.215-216

• საქართველოს ენერგეტიკოსთა კავშირი, წევრი

• საქართველოს დამსახურებული ინჟინერი