გიორგი ერქომაიშვილი

დაბადების ადგილი: ქ. დონის როსტოვი, რუსეთი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1946 წელს.

1942-1954წწ. მუშაობდა საპროექტო ინსტიტუტ "აჭარპროექტში" არქიტექტორად, დირექტორად; 1954-1969წწ. საპროექტო ინსტიტუტ "ქალაქმშენსახპროექტის" აჭარის ფილიალში მთავარ ინჟინრად; 1969-1981წწ. ქ. ბათუმის მთავარ არექიტექტორად; 1981-1989წწ. "ქალაქმშენსახპროექტის" ბათუმის ფილიალის დირექტორად; მისი პროექტებით აშენდა 50-ზე მეტი შენობა, ბათუმის დრამატული თეატრი (არქიტექტორ ტეპლიცკისთან თანაავტორობით), მენავთობეთა კულტურის სასახლე, საცურაო აუზი, კინოთეატრი, ინდუსტრიული ტექნიკუმი, თვრამეტსართულიანი სასტუმრო და ტურბაზა, აეროსადგური (ბათუმში), სასოფლო კლუბები, სკოლები, საცხოვრებელი სახლები (ბათუმსა და ფოთში); რეკონსტრუქცია ჩაუტარდა ბათუმის სტადიონ "დინამოსა" და ზღვისპირა პარკს; 1969-1981წწ. იყო ბათუმის საქალაქო საბჭოს არაერთი მოწვევის დეპუტატი, აღმასკომის წევრი, მშენებლობის მუდმივმოქმედი კომისიის თავმჯდომარე; შრომის ვეტერანი; დაჯილდოებული იყო სხვადასხვა მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.216

• სსრ კავშირის არქიტექტორთა კავშირი, წევრი (1953-)

• აჭარის დამსახურებული ინჟინერი
• საქართველოს დამსახურებული ინჟინერი