ბუჭუნა მოშიაშვილი

დაბადების ადგილი: ქ. ვანი.

1974 წლიდან იყო ვანის სამუსიკო სკოლასთან არსებული ანსამბლის "საჩინოს" წევრი. ის ანსამბლში 10 წელი მოღვაწეობდა. მის მიერ შესრულებული სიმღერებიდან აღსანიშნავია "საჩინო" და "ფიროსმანი". 90-იანი წლების ბოლოს მომღერალი ოჯახთან ერთად ისრაელში გადავიდა საცხოვრებლად, სადაც მან მიიღო ასევე ებრაული სახელი აბრაამი. მისი მუსიკალური კარიერა ისრაელში წარმატებით გაგრძელდა. 2015 წლის 14 აგვისტოს ისრაელში, ქ. აშდოდში საკუთარ სახლთან სეირნობისას, ბუჭუნა მოშიაშვილი ტრაგიკულად, თავის არეში მიღებული ტრავმით გარდაიცვალა.