ალექსანდრე ამილახვარი

დაბადების ადგილი: ქ. გორი.

დაამთავრა თბილისის კადეტთა კორპუსი, 1901 წელს კი - პაჟთა კორპუსი. 

დაიბადა ცნობილ არისტოკრატულ ოჯახში. ჩამოაყალიბა და სათავეში ჩაუდგა დრაგუნთა ქართულ პოლკს; პირველი მსოფლიო ომის დროს, 1914-1916წწ. მსახურობდა "ველურ დივიზიაში"; რუსეთში სამოქალაქო ომის დასაწყისში დონის კაზაკებთან ერთად ებრძოდა ბოლშევიკებს; 1917 წლიდან თბილისში მოღვაწეობდა; 1921 წელს საქართველოს გასაბჭოების შემდეგ კონსტანტინეპოლში, შემდეგ პარიზში გადასახლდა; თანამშრომლობდა ემიგრაციულ ჟურნალ-გაზეთებში; 1924 წელს იყო "ოქროს საწმისის" ერთ-ერთი დამფუძნებელი; 1926 წლიდან აქტიურად ჩაება "პრომეთეისტულ" მოძრაობაში. ელიზბარ ვაჩნაძესთან, მერაბ ჯორჯაძესა და ნიკოლოზ ჩქოტუასთან ერთად მონაწილეობდა ესპანეთის სამოქალაქო ომში გენერალ ფრანსისკო ფრანკოს მხარეზე; 1945-1954წწ. ცხოვრობდა პერუში, 1957 წლიდან ამერიკის შეერთებულ შტატებში; იყო ნიუ-იორკის ინვალიდთა კავშირის თავმჯდომარე. თავადი, ქართველი სამხედრო მოღვაწე, პოლკოვნიკი, 1921 წლიდან - პოლიტიკური ემიგრანტი.

წყარო: presa.ge