ვახტანგ წერეთელი

დაბადების ადგილი: სოფელი ტინისხიდი, გორის რაიონი.

დაამთავრა გორის სასოფლო-სამეურნეო ტექნიკუმი 1929 წელს, თბილისის სასოფლო-სამეურნეო ინსტიტუტი. 

1937 წელს გორის სასოფლო-სამეურნეო ტექნიკუმში მემცენარეობის, მეცხოველეობისა და სოფლის მეურნეობის საფუძვლების მასწავლებლად მუშაობდა. პარალელურად სიმღერებს სწავლობდა მიხეილ კავსაძისგან, გიორგი სვანიძისგან, ბიძინა ღოღობერიძისგან (ბიძინა ღოღობერიძე სასოფლო-სამეურნეო ინსტიტუტში სწავლის დროს და შემდეგ ორი წელი, 1934-1935, ადგილობრივი გუნდის ხელმძღვანელი იყო). 1936-1952წწ. გორის ეთნოგრაფიული მომღერალთა გუნდის მეფანდურეთა ჯგუფის ხელმძღვანელად მუშაობდა; პარალელურად გორის რაიონის კულტურის სახლის მომღერალთა გუნდსაც ხელმძღვანელობდა; გორის მასწავლებელთა სახლის მეფანდურეებს ავარჯიშებდა; 1950-1960წწ. გორის პედაგოგიური ინსტიტუტის მომღერალთა გუნდისა და ინსტრუმენტული ჯგუფის ხელმძღვანელი; 1958-1961წწ. გორის ბამბეულის კომბინატის კლუბის მომღერალ-მეფანდურეთა ანსამბლს ხელმძღვანელობდა, როგორც მასწავლებელი. ლოტბარი. მიღებული აქვს მრავალი ჯილდო. ოცდაათი წელიწადი ნაყოფიერად უხელმძღვანელა მომღერალთა და მეფანდურეთა ანსამბლებს. 

წყარო: ხალხური სიმღერის მოამაგენი.-თბ., 2007.-გვ.221

• საქართველოს დამსახურებული მასწავლებელი